A Letter to Doctor Ingelo, then with
              my Lord Whitlock, Ambassador from
              the Protector to the Queen of Sweden

            Quidfacis Arctoi charissime transfuga coeli,
               Ingele, proh serò cognite, rapte citò?
           Num satis Hybernum defendis pellibus Astrum,
               Qui modo tam mollis nec bene firmus eras?
           Quae Gentes Hominum, quae sit Natura Locorum,
               Sint Homines, potius dic ibi sintne Loca?
           Num gravis horrisono Polus obruit omnia lapsu,
               Jungitur et praeceps Mundas utrâque nive?
           An melius canis horrescit Campus Aristis,
               Annuus Agricolis et redit Orbe labor?                       10
           Incolit, ut fertur, saevam Gens mitior Oram,
               Pace vigil, Bello strenua, justa Foro.
           Quin ibi sunt Urbes, atque alta Palatia Regum,
               Musarumque domus, et sua Templa Deo.
           Nam regit Imperio populum Christina ferocem,
               Et dare jura potest regia Virgo viris.
           Utque trahit rigidum Magnes Aquilone Metallum,
               Gaudet eam Soboles ferrea sponte sequi.
           Dic quantum liceat fallaci credere Famae,
               Invida num taceat plura, sonetve loquax.                   20
           At, si vera fides, Mundi melioris ab ortu,
               Saecula Christinae nulla tulere parem.
           Ipsa licet redeat (nostri decus orbis) Eliza,
               Qualis nostra tamen quantaque Eliza fuit.
           Vidimus Effigiem, mistasque Coloribus Umbras:
               Sic quoque Sceptripotens, sic quoque visa Dea.
           Augustam decorant (raro concordia) frontem
               Majestas et Amor, Forma Pudorque simul.
           Ingens Virgineo spirat Gustavus in ore:
               Agnoscas animos, fulmineumque Patrem.                    30
           Nulla suo nituit tam lucida Stella sub Axe;
               Non Ea quae meruit Crimine Nympha Polum.
           Ah quoties pavidum demisit conscia Lumen,
               Utque suae timuit Parrhasis Ora Deae!
           Et, simulet falsâ ni Pictor imagine Vultus,
               Delia tam similis nec fuit ipsa sibi.
           Ni quod inornati Triviae sint forte Capilli,
               Sollicitâ sed huic distribuantur Acu.
           Scilicet ut nemo est illâ reverentior aequi;
               Haud ipsas igitur fert sine Lege Comas.                       40
           Gloria sylvarum pariter communis utrique
               Est, et perpetuae Virginitatis Honos.
           Sic quoque Nympharum supereminet Agmina collo,
               Fertque Choros Cynthi per Juga, perque Nives.
           Haud aliter pariles Ciliorum contrahit Arcus
               Acribus ast Oculis tela subesse putes.
           Luminibus dubites an straverit illa Sagittis
               Quae fovet exuviis ardua colla Feram.
           Alcides humeros coopertus pelle Nemaeâ
               Haud ita labentis sustulit Orbis Onus.                          50
           Heu quae Cervices subnectunt Pectora tales,
               Frigidiora Gelu, candidiora Nive.
           Caetera non licuit, sed vix ea tota, videre;
               Nam clausi rigido stant Adamante Sinus.
           Seu Chlamys Artifici nimium succurrerit auso,
               Sicque imperfectum fugerit impar Opus:
           Sive tribus spernat Victrix certare Deabus,
               Et pretium formae nec spoliata ferat.
           Junonis properans et clara Trophaea Minervae;
               Mollia nam Veneris praemia nosse piget.                     60
           Hinc neque consuluit fugitivae prodiga Formoe,
               Nec timuit seris invigilasse Libris.
           Insomnem quoties Nymphae monuere sequaces
               Decedet roseis heu color ille Genis.
           Jamque vigil leni cessit Philomela sopori,
               Omnibus et Sylvis conticuere Ferae.
           Acrior illa tamen pergit, Curasque fatigat:
               Tanti est doctorum volvere scripta Virum.
           Et liciti quae sint moderamina discere Regni,
               Quid fuerit, quid sit, noscere quicquid erit.                   70
           Sic quod in ingenuas Gothus peccaverit Artes
               Vindicat, et studiis expiat Una suis.
           Exemplum dociles imitantur nobile Gentes,
               Et geminis Infans imbuit Ora sonis.
           Transpositos Suecis credas migrasse Latinos,
               Carmine Romuleo sic strepit omne Nemus.
           Upsala nec priscis impar memoratur Athenis,
               Aegidaque et Currus hic sua Pallas habet.
           Illinc O quales liceat sperasse Liquores,
               Quum Dea praesideat fontibus ipsa sacris!                   80
           Illic Lacte ruant illic et flumina Melle,
               Fulvaque inauratam tingat Arena Salam.
           Upsalides Musae nunc et majora canemus,
               Quaeque mihi Famae non levis Aura tulit.
           Creditur haud ulli Christus signasse suorum
               Occultam gemma de meliore Notam.
           Quemque tenet charo descriptum Nomine semper,
               Non minus exculptum Pectore fida refert.
           Sola haec virgineas depascit Flamma Medullas,
               Et licito pergit solvere corda foco.                               90
           Tu quoque Sanctorum fastos Christina sacrabis,
               Unica nec Virgo Volsïniensis erit.
           Discite nunc Reges (Majestas proxima caelo)
               Discite proh magnos hinc coluisse Deos.
           Ah pudeat Tantos puerilia fingers coepta,
               Nugas nescio quas, et male quaerere Opes.
           Acer Equo cunctos dum praeterit ille Britanno,
               Et pecoris spolium nescit inerme sequi.
           Ast Aquilam poscit Germano pellere Nido,
               Deque Palatino Monte fugare Lupam.                        100
           Vos etiam latos in praedam jungite Campos,
               Impiaque arctatis cingite Lustra Plagis.
           Victor Oliverus nudum Caput exerit Armis,
               Ducere sive sequi nobile laetus Iter.
           Qualis jam Senior Solymae Godfredus ad Arces,
               Spina cui canis floruit alba Comis.
           Et Lappos Christina potest et solvere Finnos,
               Ultima quos Boreae carcere Claustra premunt.
           Aeoliis quales Venti fremuere sub antris,
               Et tentant Montis corripuisse moras.                          110
           Hanc Dea si summa demiserit Arce procellam
               Quam gravis Austriacis Hesperiisque cadat!
           Omnia sed rediens olim narraveris Ipse;
               Nec reditus spero tempora longa petit.
           Non ibi lenta pigro stringuntur frigore Verba,
               Solibus, et tandem Vere liquanda nove.
           Sed radiis hyemem Regina potentior urit;
               Haecque magis solvit, quam ligat illa Polum.
           Dicitur et nostros moerens audisse Labores,
               Fortis et ingenuam Gentis amasse Fidem.                   120
           Oblatae Batavam nec paci commodat Aurem;
               Nec versat Danos insidiosa dolos.
           Sed pia festinat mutatis Foedera rebus,
               Et Libertatem quae dominatur amat.
           Digna cui Salomon meritos retulisset honores,
               Et Saba concretum Thure cremasset Iter.
           Hanc tua, sed melius, celebraverit, Ingele, Musa;
               Et labor est vertrae debitus ille Lyrae.
           Nos sine te frustra Thamisis saliceta subimus,
               Sparsaque per steriles Turba vagamur Agros.            130
           Et male tentanti querulum respondet Avena:
               Quin et Rogerio dissiluere fides.
           Haec tamen absenti memores dictamus Amico,
               Grataque speramus qualiacumque fore.


A Letter to Dr. Ingelo: Nathaniel Ingelo went to Sweden in 1653 as chaplain
of an embassy from Oliver Cromwell to the young Queen Christina. Marvell's
letter to Ingelo contains an encomium obviously intended for her eyes.
   The translation is by A. B. Grosart.

44.  perque: As in Cooke; per in the Folio.
48.  fovet: As in Grosart; foret in the Folio.
97.  ille: As in Cooke; illa in the Folio.




Source:
Marvell, Andrew.The Complete Poems.
George deF. Lord, Ed.
London: J. M. Dent & Sons, Ltd., 1984. 240-3.


to Andrew Marvell

Site copyright ©1996-2001 Anniina Jokinen. All Rights Reserved.
Created by Anniina Jokinen on September 3, 2001. Last updated on September 10, 2006.




Andrew, Marvell, Renaissance, Restoration, Cromwell, metaphysical, seventeenth century, poetry, poesy, poems, poem, metaphysics, wisdom, Renaissance, English, Elizabethan, Jacobean, reformation, holy, book, books, teacher, university, Divinity, writer, author, satire, poet, poems, poetical, anthology, survey, college, study, book, books, cavalier, Renaissance, English, England, Literature, Prose, Sermons, Metaphysical, Holy, Sonnets, Meditations, seventeenth, 17th, century, Cavalier, metaphysical, poem, poems, poet, poetry, poets, drama, literature, plays, Elizabethan, Jacobean, Donne, History, SCA, Education, Study, Language, Writing, bell tolls, Renaissance, University, Christian, Oxford, John Donne, John, Donne, Renaissance, poet, poem, poems, poetry, sermons, Anne, writer, author, English, England, sonnet, sonnets, sonneteer, meditations, life, biography, Catholicism, Devotions, bell tolls, catholic, King James, love, poems, romantic, cavalier, lover, metaphysical, metaphysics, spirituality, university, literature, education, English, Renaissance, SCA, Metaphysical, poet, For Whom the bell Tolls, poetry, poesy, poems, poem, metaphysics, wisdom, Renaissance, English, divine, church, England, Church of England, Elizabethan, Jacobean, reformation, holy, book, books, Devotions, meditations, teacher, university, Divinity, Donne, pulpit, ministry, theology, theologian, pulpit, sermons, preaching, catholic, catholicism, protestant, puritans, sermons, sermons, protestant, readings, writer, author, lectional, lecture, sermon, Bible, biblical, English, Jesus, God, chaplain, latin, verse, teacher, philosophy, philosopher, alchemy, alchemist, mystic, spiritual, satire, religious, religion, sermon, sermons, lectionary, lecture, reading, writing, writers, metaphysics, Herbert, holy, saint, mystic, mysticism, christianity, christ, conceit,